|
| 近日睇trailer 見到G.I. Joe 8 月會公映, 我本人就非常期待 可惜既係一班生於8x年代既男性朋友竟然問我乜野係G. I. Joe, 我當堂嚇一跳, 然後得啖笑 "義勇群英"ar 大佬, 真係唔知?? 唔洗多講, 自己入youtube睇下啦~ http://www.youtube.com/watch?v=5YjfGex5JHY   
有冇少少印象呢?? | | |
| 今日去左德福MCL睇transformer II, 我近期比較喜歡到德福及elements 呢兩間mcl 院線睇戲.
德福勝在新淨, 地點都叫方便我同阿十, 且易買到飛(上網買飛用standard chartered 1500分可以免6蚊手續費, great!!!)
而elements 唔洗講就正在音響及opera式既劇院, 不過非常唔就腳, 冇得drive 既情況下都唔會諗佢
我今次都抱住幾大既期望入場, 好彩佢冇令我失望.
第一集我覺得佢已經值90分, 第二集我俾到佢98分,因為Revenge of the Fallen基本上改善左上一集既disadv.
上一集打鬥場面唔叫多, 兼且打鬥畫面凌亂, 我大大話話睇左第一集都有7,8次, 最後個場打鬥都係分唔出邊個係狂派,邊個係博派. (成日覺得點解佢死左又可以翻生呢? 原來係第二隻黎~)
呢一集最後打鬥場面set 係沙漠, 地方夠晒大, 終於睇到兩派既分別, CG功力表露無遺.
愛打鬥片既我一入場已經睇到上海俾狂派既"大車碌"炸到爛晒, 仲要空降"柯柏文"同佢打. 拍爛手掌.
不過我嫌呢套爛gag 位多左少少, 新出既twins 極度"騎呢", 打打下都要搞個爛gag出黎,最後又唔知有冇死到, 角色可有可無.
而狂派d robots隻隻個樣都好似好抽得,數量又多, 點知又會俾人類既飛彈炸到死晒wo, 美國人對付外星人果然係好有經驗.
到最後又係"星星叫"走路, 仲要拖埋"麥加登"走人, 唉....毫無新意咁留個第三集位, 悶d姐~ megan fox 今集重要程度俾上集少, 好有vase 味, 不過所有男士們都應該唔係睇佢做戲啦,right?
最後一個shot 影佢正面, 真係好angelina jolie, 搵佢拍tom rider, 我第一個入場睇!!!   
  | | |
| 今日同一位朋友msn, 傾到買"撈"既問題. 我同佢講, 當我考到個cpa 牌就係我買"撈"既時候 希望唔洗等好耐啦. 呢排成日都聽到既金句"早買早享受, 遲買平幾舊", 覺得好笑得黎又講得幾岩.哈~ 
| | |
| 今期星期日檔案我覺得個故事好適合時下既年青人睇(包括我自己)
個主題係講一個十五歲既女仔,住係天水圍, 冇埋怨自己生長於單身家庭, 拎綜緩生活,反而積極面對,不斷尋找機會開拓自己既人生,學習樂器,參加校內外既活動, 甚至小小年紀就去創業,自己設計cap帽拎去西洋菜街賣(yahoo 都有報導過)
我真係好佩服呢個女仔, 佢成熟程度比起同年紀,或者可以講已經超越左部份香港大學生.
最欣賞佢個種自給自足的做法, 為左減輕屋企既負責, 自己去搵錢support 學費,我睇完都覺得自愧不如.
我15歲個陣都仲係諗緊去邊度玩, 去邊度唱k, 而佢已經有勇氣去創業,自己設計同埋搵生產商
我心底裡希望呢個女仔將來可以成功出人頭地,因為我信機會係俾一d真正付出過既人.
同時我對一班"網民"徹底感到失望, 唔該佢地係批評人之前諗諗自己做緊乜.個女仔咁樣做係貪錢既做法咩? 出去叫bf/gf買LV袋,gucci 銀包個d先叫貪錢, 連個貪字都唔知點解就揭多兩頁字典, 讀多次小學先去評價人la,成熟少少得唔得呢?? 我開始懂得欣賞別人既努力, 好事黎既~ | | |
| 趁5月頭有3日假,就同左十十,軒,ed, 蚊and成一大班人上左大隆長隆玩.
呢個trip 籌備時間只不過用左2days, 所以book 唔到早班直通車上,約2:45都竟然有人會遲到差d上唔到車, 呢位人兄要檢討一下.
到達後有一位接頭人係巴士站等我地, 帶我地去渡假屋.
其實間渡假屋只不過係一間普通既apartment, 應該係買左祁福新村而好少上去既香港人放租.
有3間房1 個toilet(惡夢就係由得一個toilet開始)遲先下先講why.
第一日去到都差唔多6點, 係club house 打左陣snooker, 返左apartment 鋤一陣d 就sleep.
手氣不錯, 可以一鋪炒左ed 哥52隻, 多得十十幫我玩. 第二日大家因為俾電鑽嘈醒左, 好準時咁可以起約定11點出發,實屬難得.
由於我地想睇7:30場馬戲, 被迫要分開買入場卷, 貴左30蚊人仔, 我覺得有俾人昆水之嫌, 不過當買過安心.
可能係放假既關係, 好鬼多人, 尤其是坐小火車排左差唔多1 hr 隊.
大陸人對排隊呢個觀念仲係好差, 一見到空位就不斷去前迫, 好可惜香港人都只能50步笑百步.
事緣係由一對母子開始, 唔知係唔係個阿媽心急, 定係個仔死蠢(呢句真係quote from 佢阿媽口中). 佢兩母子愈分愈開,我相信呢個差距係由阿軒造成,因佢成功block out左個仔.
而個阿媽不斷係前面嗌" 肥仔, 快d迫上前la", 嗌左差唔多廿次. 咁結果梗係俾防守一隊既阿軒block 住左上唔到前. 個阿媽愈叫愈大聲, 仲話"咁都迫唔到上黎, 第陣時點出黎競爭" 我就覺得佢簡直影衰晒香港人. 仲有迫到上黎唔代表你有競爭力, 只係代表你仲未進化到識守秩序.
好彩冇俾排隊影響到我心情, 個小火車好多野睇, 只不過係drive 得快左d, 走馬看花左少少.
而夜晚既馬戲都同樣精彩, 但係排隊入場既安排又係一大敗筆,唉.......唔怪得到而家中國咁發達既國家都仲俾人睇低,國民既教育水平仲係太低啦. 食完晚飯返到去冇乜野做, 以為當日就咁就完結既時候, 高潮由午夜開始.
頭炮既軒哥成功堆田倒塞左我地唯一既toilet, 出到黎猛仲話已經搞番好個toilet.
到之後ed 哥唔舒服又再一次轟炸,今次真正攻陷左個toilet, 塞晒.
兩位通渠專家經多番搶救後依然冇改善. 最後就訓覺當冇件事.
可憐一班女仕要第二朝到club house 先可以有toilet.
第二朝同職員講呢件事, 以為要俾人屈一筆,點知佢反映異常平淡, 仲好客氣咁幫我地打完場and book 車.
我話過下一次book 房一定要2個toilet, 仲要係ed and 軒兩個人share 一個. 我唔想冇toilet 用ar!!!!!
 
| | |
|
